Rabas virggit

Álttá sámi giellaguovddáš almmuha virggiid dás.

Rabas oahpaheaddji virgi, 40%

Mii ohcat oahpaheaddji sámegiel kursii ja prošeavttaide.

Sámegiel kursa lea ollesolbmuide. Prošeavttain leat eanas mánát. Váldoulbmil prošeavttain lea movttiidahttit giellageavaheami ja ovdánahttit giella- ja kultuvrralaš ipmárdusa ja máhtu sámi giellaarenaid bokte Álttá suohkanis.

Álttá Sámi Giellaguovddáš ruhtaduvvo prošeakta ruđaiguin, ja prošeavttat sáhttet rievddadit jagis jahkái, ja čađahuvvojit dábálaččat birra jagi earret oktasaš luomuin. Son gii virgáiduvvo ferte heivet iešguđetlágan prošeavttaide, main olbmot ja sámi giella- ja kultuvra lea guovddážis.

Ferte liikot eahket/vahkkoloahpabargguid, go aktivitehtat mis leat eanas maŋŋilgaskabeaivvi, eahkes ja vahkkoloahpaid. Eará bargu lea beaivet. Dán virggis don ovttasbarggat earáiguin, ja leat oassin buot min prošeavttaiguin ja jođihat muhtin prošeavtta.

Barggut čadnon virgái:

· Oahpaheaddjis/prošeaktajođiheaddjis lea ovddasvástádus plánet ja čađahit kurssa/aktivitehtaid, ja raporteren bargu.

· Leat maid mielde pláneme ođđa prošeavttaid ja eará bargguin dárbbu mielde

Háliiduvvon gelbbolašvuohta:

· Oahpaheaddji oahppu, dahje eará heivvolaš gelbbolašvuohta ja oahppu

· Ferte hálddašit sámegiela čálalaččat ja njálmmálaččat

· Hárjáneapmi sullasaš bargguin

· Máhttá ja sáhttá bargat iešheanalaččat, ja jođihit earáid

· Mearrasámi giella- ja kultuvra máhttu lea ovdamonni

· Persovnnalaš heivvolašvuohta deattuhuvvo

Mii fállat:

Go don oahpahat sámegiela, ja leat mielde láhčime sámi giella- ja kultuvra arenaide saji de don maiddái leat mielde hábmeme sámegiela geavaheami Álttás. Don leat mielde ásaheame báikkiid gos sápmelaččat iešguđet agiin ožžot oktavuođaid eará sápmelaččaide, ja dát sáhttá nannet positiivvalaš identitehta dovdduid. Leat maid mielde oažžume beroštumi sámi kultuvrii ja sámegillii. Don leat njulgestaga mielde hábmeme sámegielat gelbbolašvuođa boahtteáigái. Dasa lassin mii fállát vel fleksibilitehta barggus, ja buori ja suohtas bargobirrasa.

Jus orru miellagiddevaš bargu, ja háliidat eambbo diehtit de riŋges dahje čális beaivválaš jođiheaddjái Marit Kirsten Eira tlf bokte 97113606 dahje e-poastta post@alttasg.no

Ohcci mii virgáduvvo ferte ovdanbuktit dohkálaš politiijaduođaštusa ovdal álgá bargui. Bálká šiehtadallo.

Álgin: farggamusat

Ohcanáigemearri: 18.5.2022

Virgeproseanta: 40%, vejolaš ahte lassána

Ohcamuš: Oanehis ohcamuš oktan oanehis CV:in mas ainnas namuhat guokte referánsa sáddejuvvo giellaguovddáža e-boastačujuhussii: post@alttasg.no

Rabas 10 % virgi prošeavttas “gávcci jahkeáigodaga”

Finnmárkku opmodat ja Seastinbáŋkku leaba addán ruhtadoarjaga ja mii ohcat prošeaktajođiheaddji “gávcci jahkeáigodaga” prošektii. Prošeavttas leat eambbo bargit go prošeaktajođiheaddji.

Prošeavttas lea ulbmil mánnosaččat deaivvadit ja leat mielde aktivitehtain mat gusket sámi gávcci jahkeáigodagaide: dálvi, giđđadálvi, giđđa, giđđageassi, geassi, čakčageassi, čakča, čakčadálvi. Dát lea de ođđa árena sámegielagiidda Álttás.

Aktivitehtain lea jurdda ahte boarráset geardi fievrrida nuoratgeardái gelbbolašvuođa ja oahpaha bargguid mat gusket iešguđet jahkeáigodagaide, dego boazodoalo barggut, murjen, suidnen, mearrasámi guollebivdin, návetbarggut, murren ja juoŋasteapmi.

Virgi lea 10% virgi mii bistá jagi vuosttaš deaivvadeami rájes.

Barggut čadnon virgái:

  • Prošeaktajođiheaddjis lea ovddasvástádus plánet ja čađahit aktivitehtaid, čuovvulit bušeahta ja raporteren bargu.

Háliiduvvon gelbbolašvuohta:

  • Heivvolaš gelbbolašvuohta ja oahppu
  • Hárjáneapmi sullasaš bargguin
  • Máhttá ja sáhttá bargat iešheanalaččat
  • Liiko olgun bargat
  • Persovnnalaš heivvolašvuohta deattuhuvvo

Jus orru miellagiddevaš bargu, ja háliidat eambbo diehtit de riŋges dahje čális beaivválaš jođiheaddjái Marit Kirsten Eira tlf bokte 97113606 dahje e-poastta post@alttasg.no

Ohcci mii virgáduvvo ferte ovdanbuktit dohkálaš politiijaduođaštusa ovdal álgá bargui.

Álgin: šiehtaduvvo

Ohcanáigemearri: 1.4.2022

Virgeproseanta: 10%

Ohcamuš: Ohcamuš oktan oanehis CV:in sáddejuvvo giellaguovddáža e-poastta čujuhussii: post@alttasg.no