Álttá sámi giellaguovddáža ulbmil lea ovddidit, nannet ja seailluhit sámi giela ja kultuvrra, ovddemusat Álttá suohkanis. Min ulbmiljoavku leat buohkat geain lea beroštupmi sámi gillii ja kultuvrii.

Min višuvdna lea ovddidit sámi giella- ja kultuvrra fáladagaid mánáide, nuoraide ja rávisolbmuide, vai min guovllu olbmot besset čevllohallat duogážiin, kultuvrrain ja gullevašvuođain.

Buresboahtin Álttá sámi giellaguovddáža ođđa ruovttusiidui!

Ádjánii veahá, muhto viimmat almmuhit Álttá sámi giellaguovddáža ođđa ruovttusiiddu.

Álttá sámi giellaguovddáža ulbmil lea ovddidit, nannet ja seailluhit sámi giela ja kultuvrra, ovddemusat Álttá suohkanis. Čalmmustahttit guovllu mearrasámi historjjá lea maid min ovddasvástádus, ja min barggus galget báikkálaš sámi árbevierut leat guovddážis. Mii háliidit deattuhit juste dán ja leat válljen báikkálaš vuottagovaiguin čiŋahit min ruovttusiiddu. Govain oaidnibehtet Reaššvuona máná- ja dievdovuoddaga, Lákkovuona nissonvuoddaga ja Skirvvi/ Várggonuori dievddovuoddaga. Mii háliidit giitit Marit Inga Sara Pettersen, Tore Forsberg ja Idun Hennie Meli geat luike midjiide vuoddagiid, Ánne Kátjá Gaup gii govvii govaid, ja Marianne Vorren Wilhelmsen gii lei modealla. Ollu giitu didjiide buohkaide.

Covid-19

Covid-19 dihte ferte šiehtadit ovdagihtii jus áigu fitnat Álttá sámi giellaguovddážis. Basa gieđaid dahje geavat desinfekšuvdnaávdnasa ovdalgo boađát sisa ja doalat mehtera gaskka eará olbmuide. Jus don leat buohcci, bivdit du boahtit eará háve.

This message is only visible to admins.

Problem displaying Facebook posts.
Click to show error

Error: An access token is required to request this resource.
Type: OAuthException