Háliidatgo oahppat ja vásihit Sámiid Gávcci jahkodaga?

Sámiin leat “gávcci jahkodaga”. Jahkodagat leat čatnon bohcco lundui ja bargguide mat gullet boazodollui: giđđageassi, geassi, čakčageassi, čakča, čakčadálvi, dálvi, giđđa dálvi, giđđa. Álttá Sámi Giellaguovddáš lea dán čavčča álggahan prošeavtta mas lea ulbmil oahppat ja vásihit Sámiid Gávcci jahkodaga doaimmaid bokte mat leat árbevirolaččat gullevaččat jahkodagaide. Mii lágidit gávcci deaivvadeami main leat árbevirolaš barggut čatnon boazodollui. Deaivvadeamit galget leat arena gos sámegiella ja kultuvra gullo ja oidno.

Nubbi ja goalmmát deaivvadeapmi:

Čakčat jorggihit bohccot fas čakčaguohtuneatnamiidda, lea ragat áigi ja dalle galgá diktit bohccuid orrut ráfis. Barggut dan jahkodagas leat earet eará bordit jeahkáliid dálvái. Skápma lea boađi ja beaivvit otnot. Bossegohppemárkanat leat árbevirolaččat lágiduvvon dán jahkodagas. Dohko bukte sápmelaččat bohccobierggu, guoli, dujiid ja ávdnasiid maid lonuhedje mearraguliin, jáfuin ja sohkkariin jna. Bossegohppemárkanat ain lágiduvvojit Álttás Skábmamánu, ja dat geasuhit olbmuid miehta Finnmárkku.

Nuppi deaivvadeamis galgat oahppat goarrut gápmagiid ja fitnat Bossegohppemárkaniin. Gámagoarrun lea golbmabeaivve guhkkosaš kursa (eahkediid ja vahkkoloahpa) go galgat oahppat mo dikšu gápmasiid ja goarrut gápmagiid alccat dahje muhtimii.

Gámagoarrun                                                 Bossegohppemárkanat

Áigi:   03.11.22, dii. 17-20                                        Áigi: 19.11.22, dii.14

04.11.22, dii. 17-20                                                   Báiki: Bossegohppi

05.11.22, dii. 10-16

Báiki: Nøkkelstien 2

Kursadiva: 650 ru (gápmasat, duodjeávdnasat ja goarrunreaiddut)

 

Dieđiheapmi: Maret J. Heatta tlf 46667571