Háliidatgo oahppat ja vásihit Sámiid Gávcci jahkodaga?
Sámiin leat “gávcci jahkodaga”. Jahkodagat leat čatnon bohcco lundui ja bargguide mat gullet boazodollui: giđđageassi, geassi, čakčageassi, čakča, čakčadálvi, dálvi, giđđa dálvi, giđđa. Álttá Sámi Giellaguovddáš lea dán čavčča álggahan prošeavtta mas lea ulbmil oahppat ja vásihit Sámiid Gávcci jahkodaga doaimmaid bokte mat leat árbevirolaččat gullevaččat jahkodagaide. Mii lágidit gávcci deaivvadeami main leat árbevirolaš barggut čatnon boazodollui. Deaivvadeamit galget leat arena gos sámegiella ja kultuvra gullo ja oidno.
Prošeakta heive buohkaide geat háliidit sámástit. Lea bearrašiidda ja ovttaskasolbmuide.
Jus háliidat searvat, sádde dieđu prošeaktajođiheaddjái Maret Hætta, tlf nr 46 66 75 71
Vuosttaš deaivadeapmi:
Dál lea čakčageassi, ja dalle lea áigi njuovvat sarváid ovdal ragaha. Vuosttaš deaivvadeamis galgat fitnat gárddehuhtte ja oahppat njuovvat ja mo ávkkástala bohcco biebmun ja ávdnasiin.
Áigi: 01.10.22 (sáhttá rievdat)
Báiki: Áisaroaivi
Mii leat láigohan busse mas leat 50 saji. Dieđiheapmi Marehii. Vuosttaš vihttalogis oččot saji.
Govat leat diibmá váldon go mánát ledje Áisaroaivvis.
