Suohkanstivra mearridii Juovlamánu 10.beaivvi 2021 bidjat giellaguovddáža fásta ruhtadeapmái boahtte jahkái, 2022. Suohkanstivra mearridii maid bidjat giellaguovddáža suohkana golmma jagi ekonomaplánii, 2022-2025.
Suohkanstivrra mearrádus ja Sámedikki fásta doarjja dahká ahte giellaguovddáš beassá plánet eanet ovddasguvlui. Dán rádjái lea giellaguovddáš juohke jagi šaddan ohcat doarjaga suohkanis, ja dat lea dagahan eahpesihkkaris dili giellaguovddážii, go eat dieđe oaččut go doarjaga vai eat, ja man olu doarjaga oaččut.
Giellaguovddáš oažžu jahkásaččat 100 000 ruvnno.
