Álttá Sámi Giellaguovddáš iluin almmuha “reaškkas ja luohti” doaluid duorastaga 28.b golggotmánus diibmu 20.00. Uvssat rahppojit diibmu 19.00
Dalle lágiduvvo Sámi giellavahkku, ja mii háliidit čájehit ahte sámegiella ja kultuvra lea girjái ja sáhttá ovdanbuktot feara mot.
Ánne Márjá Guttorm Graven ja Ánte Siri álggaheaba doaluid sámegielat standup-komihkain. Soai leaba hárjánan iešguđetlágan somás ovdanbuktimiidda, earret eará stuora lávddis Riddu Riđđus reaškkas prošeavtta oktavuođas. Dán prošeavttas lei ulbmil čalmmustahttit sámi komihka ja oččodit eambbo komihkkáriid sámis. Boađus lei ahte ieža viimmáskeigga eambbo dán bargui.
Dán oktavuođas leaba goappašagat vuohččan Álttás lávddis.
Dán oktavuođas leaba goappašagat vuohččan Álttás lávddis.
Maŋŋil sudno lea ges “Bernt Mikkel Haglund ja juoigit” konsearta. Bernt Mikkel bargá árbevirolaš luohtái heivehit ođđaáigásaš musihkka. Čakčat almmuhii son skearru ovttas ovcci juigiin. Dál leat sii ráhkkanan maiddái konsearttaid doallat. Bernt Mikkel muitala ahte sus leat čeahpes juoigit fárus. Sii hálddašit lávddis juoigat árbevirolaš luođi ođđaáigásaš musihkain. Maiddái sii leat vuohččan Álttás doallame konseartta. Dán háve leat mielde Piera Eira ja Johan Ivvár Gaup (ja soitet vel eambbosat).
Bileahtat leat vuovdimassii Hooplas:
City Scene lea rabas 01.00 rádjai. Lea 18 jagi ahkemearri doaluin.
Covid-19 vuhtiiváldo, ja soitet šaddat rievdadusat. Dáhttut olbmuid lohkat Dearvvašvuođadirektoráhta njuolggadusaid ja ávžžuhusaid, ja ahte olbmot geain leat dávdamearkkat dahje leat buohccit, eai boađe doaluide.
Covid-19 vuhtiiváldo, ja soitet šaddat rievdadusat. Dáhttut olbmuid lohkat Dearvvašvuođadirektoráhta njuolggadusaid ja ávžžuhusaid, ja ahte olbmot geain leat dávdamearkkat dahje leat buohccit, eai boađe doaluide.
Čuovo maiddái Facebook doaluid:
