Mii ohcat prošeaktajođiheaddji “Sámás muinna” prošektii. Váldoulbmil prošeavttas lea movttiidahttit giellageavaheami ja ovdánahttit giella- ja kultuvrralaš ipmárdusa ja máhtu sámi giellaarenaid bokte Álttá suohkanis. Sámás muinnalea arena mii heive buohkaide geat háliidit hupmat sámegiela. Aktivitehtat leat giellakáfea, tuvravázzin jnv.

Álttá Sámi Giellaguovddáš ruhtaduvvo prošeakta ruđaiguin, ja min prošeavttat sáhttet rievddadit jagis jahkái, ja čađahuvvojit dábálaččat birra jagi earret oktasaš luomuin. Son gii virgáiduvvo ferte heivet iešguđetlágan prošeavttaide, main olbmot ja sámi giella- ja kultuvra lea guovddážis.

Dát virgi lea 10%. Son gii virgáduvvo ferte liikot eahketbargguid, go aktivitehtat mis leat eanas maŋŋilgaskabeaivvi, eahkes ja muhtomin vahkkoloahpaid. Eará bargu lea beaivet. Prošeaktajođiheaddji bargá okto, ja sáhttá muhtin fáttáide geavahit veahkkeolbmo.

Barggut čadnon virgái:

  • Prošeaktajođiheaddjis lea ovddasvástádus plánet ja čađahit aktivitehtaid, ráhkadit fáddágihppagiid, čuovvulit bušeahta ja raporteren bargu.
  • Prošeaktajođiheaddji lea maid mielde pláneme ođđa prošeavttaid ja eará bargguin dárbbu mielde

Háliiduvvon gelbbolašvuohta:

· Heivvolaš gelbbolašvuohta ja oahppu

· Ferte hálddašit sámegiela čálalaččat ja njálmmálaččat

· Hárjáneapmi sullasaš bargguin

· Máhttá ja sáhttá bargat iešheanalaččat

· Mearrasámi giella- ja kultuvra máhttu lea ovdamonni

· Persovnnalaš heivvolašvuohta deattuhuvvo

Mii fállat:

Go don leat mielde láhčime sámi giella- ja kultuvra arenaide saji de don maiddái leat mielde hábmeme sámegiela geavaheami Álttás. Don leat mielde ásaheame báikkiid gos sápmelaččat iešguđet agiin ožžot oktavuođaid eará sápmelaččaide, ja dát sáhttá nannet positiivvalaš identitehta dovdduid. Leat maid mielde oažžume beroštumi sámi kultuvrii. Don leat njulgestaga mielde hábmeme sámegielat gelbbolašvuođa boahtteáigái. Dasa lassin mii fállát vel fleksibilitehta barggus.

Jus orru miellagiddevaš bargu, ja háliidat eambbo diehtit de riŋges dahje čális beaivválaš jođiheaddjái Marit Kirsten Eira tlf bokte 97113606 dahje e-poastta post@alttasg.no

Ohcci mii virgáduvvo ferte ovdanbuktit dohkálaš politiijaduođaštusa ovdal álgá bargui.

Álgin: šiehtaduvvo, prošeakta álgá borgemánus

Ohcanáigemearri: 4.8.2021

Virgeproseanta: 10% olles jagis (duppalit bargu dan jagi olggos go álgu lea easka dál)

Ohcamuš: Ohcamuš oktan CV:in mas namuhat guokte referánsa sáddejuvvo giellaguovddáža e-poastta čujuhussii: post@alttasg.no